Italia kërkoi të mërkurën, mbështetje ndërkombëtare për përpjekjet e saj për të kontrolluar virusin.
Pasi shumë shtete ndaluan transportimin e mallrave dhe udhëtimet drejt Italisë, Angelo Borelli dje mblodhi Organizatën Botërore të Shëndetit dhe Bashkimin Evropian.
Qeveria e kryeministrit Giuseppe Conte u bëri thirrje fqinjëve evropianë për bashkëpunim, jo izolim dhe diskriminim. Italia është përpjekur të kontrollojë shpërthimin e shpejtë të koronavirusit i cili deri tani regjistron më shumë raste se vendet aziatike.
“Viruset nuk i njohin kufijtë dhe nuk ndalen tek ata,” insistoi Ministri italian i Shëndetësisë Roberto Speranza në fillimin e takimit me Organizatën Botërore të Shëndetit dhe përfaqësuesit e Bashkimit Evropian në Romë.
Dymbëdhjetë persona të infektuar nga virusi kanë vdekur në Itali që nga e premtja, të gjithë ata të moshuar, që kanë vuajtur nga sëmundje kronike, tha shefi i mbrojtjes civile Angelo Borelli.
Qeveria italiane pranon alarmin për rastet e saj në rritje dhe paaftësinë për të gjetur origjinën e shpërthimit të grumbulluar në veri të Italisë, raporton Corriere Della Sera.
“Nuk është e nevojshme të ketë panik. Autoritetet italiane janë duke zbatuar masat në përputhje me strategjinë globale të kontrollit.”, tha Hans Kluge, drejtori i Organizatës Botërore të Shëndetit.
Këtë të enjte mediat italiane raportojnë se 14 viktima janë shënuar nga Covid-19 në Itali dhe 523 të tjerë janë infektuar./Fjala.al
