James Newman përfaqësues i Mbretërisë së Bashkuar në Eurovizion, duket se është një pretendent i fortë për të fituar Eurovizionin këtë vit. 31-vjeçari ka shkruar tekste këngësh për emra të njohur si Ed Sheeran, Jess Glynne, Calvin Harris and Little Mix.
Ai fitoi çmimin e Brit Award dhe u nominua për Grammy për këngën Rudimental ‘Waiting All Night’. Gjithashtu ai shkroi dhe këngën e Irlandës në Eurovizionin e vitit 2017, ‘Dying To Try’, e cila arriti deri në gjysmëfinale.
Sipas një parashikimi të fundit të BBC ku krahasohen këngëtarët më pretendentë me James Newman, i cili deri tani shihet si konkurrenti që do të marrë çmimin kryesor.
Sipas BBC shqiptarja, Arilena Ara është një konkurrente e fortë dhe do të jetë në top 5-she. Pasi sipas saj këngëtarja nuk është e panjohur për votuesit, pasi kënga e saj solo ‘Nëntori’ është shumë e njohur në mbarë botën.
“Eurovizioni nuk do të ishte një Eurovizion nëse nuk do të kishte një baladë, e kënduar nga një vajzë. Airela Ara këndon këngën e ndjerë ‘Shaj’ me tone të larta. Kënga është konstruktuar me një refren me tone të larta dhe më pas ulet qetësish.
Arilena që në momentin që ka fituar X Factor Albania në 2013, është bërë një nga yjet më të mëdhenj të Shqipërisë dhe numëron rreth 1.1 milionë followers në Instagram. Kënga e saj solo ‘Nëntori’ u bë hit jo vetëm në Shqipëri, por edhe në Rusi dhe Rumani që do të thotë se do të jetë e njohur për votuesit.
A do t’ia kalojë James Newman? Jo. Kënga “Shaj” është një nga këngët më të preferuara të publikut të Eurovizionit dhe duket se do të jetë në top 5-she.“/Fjala.al
