Një i moshuar 78-vjeç është viktima i parë nga koronavirusi në Australi. Ai është infektuar ndërsa po lundronte me një anije nëpër brigjet e Japonisë.
Ai ishte nisur nga Perth, së bashku me gruan e tij, e cila gjithashtu është e sëmurë me koronavirus. Burri ka vdekur sot në mëngjes në po të njëjtin qytet ku e kishin kthyer më 21 shkurt.
Së bashku me 164 australianë të tjerë, atë e kishin evakuuar nga anija gjigante ku po kalonte pushimet, ndërsa ishte mbajtur përkohësisht në karantinë.
Në të gjithë Australinë janë 23 raste me koronavirus, përfshirë edhe dy që u zbuluan sot. Deri më tani, 11 australianë janë shëruar me sukses. Mësohet se gruaja e tij, e cila është në të 70-at, është në gjendje të mirë shëndetësore, ndërsa do të duhet të qëndrojë në karantinë.
