Ka filluar grumbullimi i qytetarëve përpara Presidencës ku do të zhvillohet tubimi i thirrur nga Presidenti Ilir Meta.
Ajo që bie në sy është që qytetarë të shumtë që janë bashkuar në Bulevardin Dëshmorët e Kombit janë shfaqur me mimoza në duar ashtu siç ishte edhe thirrja e Presidentit.
Qytetarët kanë vendosur që të shfaqen me simbolin e këtij tubimi që është quajtur si manifestimi i “Mimozave”, ashtu siç duket dhe nëna në foton e mëposhtme.
Presidenti Meta ka bërë thirrje që ky tubim të jetë i qetë dhe paqësor ndaj dhe ka zgjedhur që ta simbolizojë me lulen e mimozës, që është një nga lulet e para që çel në pranverë.
Ndërkohë duhet theksuar se tashmë ka filluar mbushja e bulevardit me njerëz të grupmoshave të ndryshme, të cilët kanë zgjedhur që përveç mimozave në këtë tubim të mbajnë edhe flamurin tonë kombëtar./Fjala.al/
