Frika dhe alarmi nga koronavirusi e ka bërë thuajse lëmsh kalendarin e ndeshjeve të Serisë A, ku më e diskutuara është ndeshja midis Juventusit dhe Interit.
Ditën e premte Interit i ishte propozuar që të luante të hënën takimin kundër Juventusit, që në program ishte planifikuar të zhvillohej të dielën në mbrëmje në Torino, por zikaltërit refuzuan.
Zikaltërit akuzuan për kampionat të falsifikuar, ndonëse administratori i saj i deleguar, Marota, është anëtar i i kryesisë së Federatës Italiane të Futbollit.
Duke u gjendur përballë kësaj situate, liga më e madhe e futbollit italian ka propozuar datën 9 mars si ditën e zhvillimit të ndeshjes, për të cilën ka gjetur edhe aprovimin e Interit.
Megjithatë tashmë një tjetër sfidë ka pësuar ndryshim dhe ajo është takimi midis Juventusit dhe Milanit, që është i vlefshëm për Kupën e Italisë. Në fillim u vendos që ky takim të zhvillohej me dyer të hapura, por tashmë është bërë publik vendimi se asnjë tifoz nuk do të lejohet në stadium./Fjala.al/
