Babai i sulmuesit të Borussia Dortmund, Erling Haaland, Alf-Inge Haaland ka thënë se La Liga do të ishte një kampionat shumë i mirë për lojtarin norvegjez.
Erling u bë pjesë e klubit të Dortmundin muajin e kaluar në një marrëveshje prej 20 milionë eurosh nga Red Bull Salzburg dhe në kaq pak kohë ka shënuar plot 10 gol.
Norvegjezi tashmë ka shënuar 40 gola në të gjitha garat këtë sezon dhe është një nga emrat më të lakmuar në Evropë.
Një nga klubet spanjolle që ka kërkuar më shumë se të tjerët ta kenë 19-vjeçarin pjesë të tyre është Real Madrid.
“Jam shumë i lumtur për të dhe Borussia Dortmund, megjithëse për mua gjëja më e rëndësishme është të vazhdoj të rritet si më parë. Ai ishte gjithmonë golashënuesi më i mirë, por tani ai po ofron edhe shumë asistime. Natyrisht, jam krenar. Dortmund na tha se ata kishin nevojë për dikë si ai dhe se qëllimi është sa më i lartë që të jetë e mundur. Ai është në një ekip që po lufton për Bundesligën dhe po rritet në garat evropiane. Është një destinacion perfekt për të vazhduar rritjen”- ka thënë Alf-Inge për “Diario AS”
Ai ka theksuar faktin se La Liga është kampionati më i përshtatshëm për sulmuesin 19-vjeçar.
“Ne ishim të lidhur me më shumë se 100 ekipe, por është e vërtetë që La Liga është një ligë shumë e mirë për djalin tim, me ekipe të shkëlqyera. Asnjëherë nuk e dini nëse ai do të luajë në Spanjë. Ajo që duhet të ndodhë, do të ndodhë”-tha babai i Haaland.
Arsyeja kryesore pse Real Madridi ka qenë i lidhur me Haaland është Martin Odegaar, ylli tjetër i ri norvegjez, aktualisht në huazim te Real Sociedad nga “Los Blancos”./Fjala.al/
