Historia e Gene, 89-vjeç dhe bashkëshortes së tij Dorothy, 88-vjeçe na ka prekur të gjithëve. Gene Campbell është shtruar në Spitalin Qendrorë të Uashingtonit, pasi është diagnostikuar me coronavirusin e ri, Covid-19.
Gene dhe gruaja e tij Dorothy që kur u martuan para 60-viteve nuk janë ndarë asnjë moment nga njëri tjetri. Por coronavirusi i ri e ka detyruar Gene të karantinohet në një shtëpi të moshuarish, ku dhe po kurohet.
Dorothy, 88-vjeçe edhe pse e pa fuqishme për të ecur e viziton çdo ditë të shoqin e saj. E shoqëruar nga djali i saj ajo afrohet me vështirësi drejt dhomës ku i shoqi i saj qëndron dhe vendos njërën dorën në dritare që të jetë sa më afër. E vetmja mënyrë për të komunikuar duket se është vetëm përmes telefonit.
Shumë afër dhe shumë larg njëkohësisht, zemërthyer, Dorothy largohet nga dritarja drejt makinës. Një histori dashurie dhe shprese në kohën e koronavirusit.
Coronavirusi i ri , Covid-19 u ka marrë jetën 3.200 njerëzve në të gjithë botën dhe rreth 100.000 të tjerë janë infektuar. Kina, vendi ku coronavirusi shpërtheu në dhjetor të 2019 ka shënuar numrin më të lartë të vdekjeve dhe njerëzve të infektuar. Gjendja alarmante paraqitet Korenë e Jugut dhe Itali të cilat kanë indetifikuar me mijëra persona të infektuar.
Shtetet e Bashkuara raportojnë 164 persona të infektuar, 11 vdekje dhe 19 persona të shëruar nga coronavirusi. /Fjala.al
