Konfirmimi i dy rasteve të para me koronavirus në Shqipëri ka krijuar një gjendje jo të qetë te qytetarët. Në farmacitë e Tiranës po vihet re një radhë e gjatë për të blerë maska dhe dezinfektues.
Shumë prej farmacive janë gjendur të papërgatitura për fluksin dhe kanë mungesë të produkteve, ndonëse hyrja e koronavirusit në vendin tonë ishte çështje ditësh.
Gjithsesi, mjekët kanë bërë me dije se maskat e blera në farmaci nuk ndihmojnë në mbrojtjen nga ky virus, por masa më e mirë që duhet marrë është kujdesi për higjenën personale.
