Kryeministri Edi Rama, ka sulmuar indirekt presidentin Ilir Meta mbi ngritjen e task-forcës në presidencë ndaj koronavirusit.
Në një konferencë të jashtëzakonshme për mediat mbi situatën emergjente të krijuar nga koronavirusi Rama theksoi se nuk ka vend në botë që të ngrejë disa task-forca mbi situatat emergjente siç është përballja me koronavirusin.
“Task-forca opozitare, u përsëris ekspertëve që e përbëjnë, a nuk i tha të nderuarit kryetarit të opozitës ta shohim një herë këtë shtëpi ushtarake. Gjithë bota u thotë familjarëve dhe qytetarëve mos u afroni sepse mund ta merrni koronavirusin. Nuk ka vend në planet që task-forca të merret me këto punë. Nuk ka vend në botë që ngre disa task-forca. Shtëpia e ushtarakëve është gati, vendimi është marrë, për çdo rast. Nuk jemi Kina sepse dhe po të jemi nuk do i hedhim se i kemi si kokrrat e orizit. Ftesa ime është, ejani dhe ta përballojmë së bashku këtë situatë dhe nuk ka nevojë për task-forca. Po lëndoni zemrën dhe helmoni mendjen e një populli të tërë duke thënë se janë shpërndarë 1.2 milion maska të dëmshme. Ftesa është shumë e sinqertë dhe nuk kam ndërmend të kthej përgjigje të tilla. Përveç nesh shfaqen monstruozitete të tilla , që uroj mos të ndodhin. Papërgjegjshmëria vret. Më vjen mirë që task-forcat përshëndesin personelin shëndetësor”, u shpreh Rama.
Ndërkaq, një ditë më parë presidenti Ilir Meta lajmëroi se në Presidencë është ngritur task-forca e cila ofron ndihmë për të gjitha ata që nuk marrin trajtimin e duhur mjekësor nga strukturat shtetërore.
LEXO EDHE:
Koronavirusi/Ilir Meta ngre task-forcën: Po s’morët mjekim, na bëni telefon
