Trajneri i Pescara-s, Nicola Legrottaglie ka bërë me dije një lajm alarmant për skuadrën ku bën pjesë lojtari i Kombëtares sonë Ledian Memushaj.
Tekniku në fjalë tha se deri më tani janë plot 13 lojtarë në gjendje gripi,por që deri më tani nuk është marrë asnjë masë për ta.
“Deri tani në skuadër kam 13 lojtarë që vuajnë nga gripi, por në klub ende nuk ka ardhur askush për të marrë ndonjë masë. Nuk janë kryer as analiza dhe nuk kanë ardhur asnjë maskë mbrojtëse”,-u shpreh ish-lojtari i Juventusit.
Më tej ai shtoi se ka shprehur shqetësim në lidhje me këtë situatë, por që nuk është marrë asnjë përgjigje deri në këto momente.
“Kemi shprehur shqetësimin tonë për këtë situatë, por ende nuk kemi marrë asnjë përgjigje. Ndërprerja e kampionatit? Nuk mendoj se do të ishte një zgjidhje edhe nëse nuk luajmë në tri javët e ardhshme. Do të ishte një situatë jonormale për ekipin tim
Për momentin jam më shumë i shqetësuar për shëndetin e lojtarëve të mi, të cilët duhet të mbajnë maska mbrojtëse”. –tha Nicola Legrottaglie.
Ndonëse ai tha se janë 13 lojtarë të prekur nga gripi emrat e tyre nuk dihen ende, ndaj nuk mund të konfirmohet nëse Memushaj është pjesë e tyre apo jo./Fjala.al/
