Një 73 vjeçare në Durrës është viktima e parë në Shqipëri nga koronavirusi. Ajo vuante edhe sëmundje të tjera si Insuficience kardiake kronike, SPOK, Nyha III, Fibrilation atrial, hypertyreisis, tatus post by pass.
Përpara se ngjarja të ndodhte, në media u raportua se e moshuara nuk kishte njoftuar mjekët se ishte rikthyer nga Italia, çka ka ngritur dyshimet se tashmë është infektuar edhe një numër jo i vogël i stafit të spitalit.
Megjithatë, familjarët e viktimës e konsiderojnë të gënjeshtërt këtë pretendim pasi, sipas tyre, mjekët shqiptarë ishin në dijeni të faktit që gruaja kishte qënë në Itali dhe kjo ishte shkruajtur edhe në kartelën mjekësore.
“Doktorët e kanë ditur shumë mirë që ka qenë në Itali, i kanë parë të gjitha letrat . Thanë që kishte nevojë për oksigjen, nëna ka një vit e gjysmë që ka pasur probleme me frymëmarrjen”, u shpreh e afërmja për ‘Fax News’.
Raportohet dy mjekë dhe katër infermierë të spitalit të Durrësit janë vetëizoluar.
Numri zyrtar i personave të prekur nga koronavirusi në vendin tonë është 11.
