Trajneri i Wolves, Nuno Espirito Santo ka folur ashpër në lidhje me situatën ku ndodhet bota, pas ndeshjes që luajtën ndaj Olympiakos për Europa League-n.
Duke folur për “BT Sport”, ai tha se i duket jonormale që njerëzit janë duke vdekur e ndeshjet luhen sikur gjendja është normale.
“Të luash futboll në këtë situatë është absurd, njerëzit po vdesin, ndërkohë që ne zbritëm në fushë për të luajtur. Nuk ka kuptim të luash pa tifozë. Futbolli është argëtim dhe ne luajmë për ta. Udhëtimi është i rrezikshëm për lojtarët, trajnerët, stafin dhe tifozët. Ne besojmë se ka gjëra më të rëndësishme sesa futbolli në këto moment. Shëndeti është një prej tyre”,-tha ai.
Rikujtojmë se presidenti i skuadrës greke rezultoi i prekur nga koronavirusi dhe vendimi që ndeshja mes Olympiakos-Wolves të luhej, i befasoi të gjithë dhe krijoi mjaft dyshime./Fjala.al/
