Detaje të reja janë zbuluar për njërin nga personat e konfirmuar me koronavirusin e ri Covid-19.
Bëhet fjalë për një 66-vjecar nga qyteti i Fierit, i cili kishte udhëtuar më herët në Itali. Dosja.al raporton se 66-vjecari ka udhëtuar nga Italia drejt Shqipërisë në të njëjtin avion me 73-vjecaren nga Durrësi, viktimën e parë.
Pasi ka zbritur nga avioni, ai ka marrë një furgon të linjës Tiranë-Fier në terminalin e autobusëve ku ndodheshin dhjetëra persona dhe ka shkuar në Fier. Atje, mësohet se ka shkuar edhe në bashkinë e qytetit dhe ka zhvilluar disa takime me zyrtarë atje.
Më herët Ministria e Shëndetësisë njoftoi se deri në këto momente janë konfirmuar pozitivë me COVID-19, 33 raste. Në 24 orët e fundit janë realizuar edhe 159 testime të reja dhe kjo e çon numrin total të testimeve të kryera në 457./Dosja.al
