Kryeministri i Britanisë së Madhe, Boris Johnson, tha se kushdo që jeton me dikë që ka kollë ose temperaturë duhet të qëndrojë në shtëpi për 14 ditë.
Ai shtoi “tani është koha që të gjithë të ndalojmë kontaktin jo të nevojshëm dhe të ndalojmë të gjitha udhëtimet jo të nevojshme” pasi u bëri thirrje qytetarëve të punojnë nga shtëpia dhe të shmangin pijet, klubet, kinematë dhe teatrot.
Boris Johnson parashtroi nevojën për “masa drastike” për të zgjidhur “rritjen e shpejtë” të numrit të infektuarve me koronavirus.”
Kryeministri tha se sipas Grupit Këshillior Shkencor për Emergjencat (Sage) “ duket se jemi afër një rritje të shpejtë të numrit të rasteve”.
Në fund ai shpjegoi se pa u marrë masat drastike numri i të infektuarve do të dyfishohet çdo pesë ditë.
“Pa masa drastike numri i të infektuarve do të dyfishohet çdo pesë ditë”.
