Trajneri 21-vjeçar i skuadrës së Atetico Portada Alta, Francisco Garcia është viktima e parë e shënuar nga koronavirusi në botën e futbollit.
Sipas raportimeve të “AS”, Garcia ishte trajner i skuadrës spanjolle për katër vite, ndërsa shton se kishte disa ditë që ishte prekur nga koronavirusi.
Më parë ai ishte diagnostikuari me leukemi, duke e vënë atë në rrezik të madh nga Covid-19, ndërsa tashmë raportohet se 21-vjeçari ka ndërruar jetë.
“Nga Atletico Portada Alta duam që t’i shprehim ngushëllime familjes dhe shokëve për Francisco Garcian që na la sot”,-shkruhet në njoftimin e klubit spanjoll.
“Çfarë mund të bëjmë pa ty tani, Francis? Ti ishe gjithmonë me ne kur kishim nevojë, duke na ndihmuar që të japim më të mirë. Si do të vazhdojmë të fitojmë në ligë? Nuk e dimë se si do ia bëjmë pa praninë tuaj, por do të triumfojmë vetëm për ty. Nuk do të harrojmë asnjëherë, prehu në paqe, fenomen”,-shtohet më tej në këtë njoftim.
Garcia kishte ndërruar jetë të shtunën, ndërsa autoritetet e vendit bëhet e ditur sot se ai ishte i infektuar me koronavirus./Fjala.al/
