Skuadra Kombëtare e Italisë që e fitoi Kampionatin Botëror të vitit 2006 ka krijuar një fond për grumbullimin e mjeteve ndihmëse për përmballimin e situatës së krijuar nga coronavirusi.
Kapiteni i asaj skuadre, Fabio Cannavaro, e ka bërë publike iniciativën për themelimin e këtij fondi përmes një postimi në “Instagram”.
“Unë së bashku me kampionët tjerë të botës nga viti 2006, po dalim edhe një herë në fushë për ta fituar një sfidë të re: ‘Një fond për Kryqin e Kuq italian për t’i ndihmuar vendit tonë në këtë emergjencë nga coronavirusi’. Shpresoj që të gjithë ju të jeni po ashtu pjesë e ekipit tonë. Së bashku akoma mund të fitojmë!”, -ka thënë Cannavaro për “La Gazzetta dello Sport”.
Italia është shteti evropian me numrin më të madh të të prekurve dhe viktimave nga COVID-19, ku janë infektuar 25.000 njerëz dhe mbi 1.800 persona kanë humbur jetën./Fjala.al
