Aktori i famshëm i Hollywood, Idris Elba, konfirmoi këtë të hënë se është infektuar me koronavirusin, Covid-19.
Përmes një video që e ndau në rrjetin social “Twitter”, aktori tregon se e ka marrë virusin pasi kishte takuar një person që ishte i prekur me Covid-19.
Fatmirëisht gjendja e tij është e stabilizuar, ndërsa tregon se nuk ka shfaqur asnjë simptomë, por u vetëkarantinua menjëherë sapo mori rezultatin e analizave.
“Këtë mëngjes rezultova pozitiv me Covid-19. Ndihem mirë, deri tani nuk kam simptoma dhe jam izoluar që kur mësova se jam ekspozuar ndaj virusit. Qëndroni në shtëpi dhe jini pragmatikë. Do t’ju mbaj të informuar për gjendjen time. Pa panik”- shkruan aktori krahas videos ku shfaqet me partneren e tij./Fjala.al
This morning I tested positive for Covid 19. I feel ok, I have no symptoms so far but have been isolated since I found out about my possible exposure to the virus. Stay home people and be pragmatic. I will keep you updated on how I’m doing ???? No panic. pic.twitter.com/Lg7HVMZglZ
— Idris Elba (@idriselba) March 16, 2020
