Kulmi i epidemisë së koronavirusit tashmë ka kaluar në Kinë. Sipas zyrtarëve kinezë, është zvogëluar dukshëm numri i të prekurve me koronavirus edhe në provincën Hubei, në qytetin Wuhan ku edhe shpërtheu epidemia.
Që nga dhjetori i vitit të kaluar numri i të infektuarve në Kinë filloi të rritej me ritme shumë të shpejta duke bërë që mjekët të gjendeshin në vijën e parë të frontit në luftën kundër koronavirusit.
Nga vija e parë të frontit kanë ardhur edhe imazhet e mjekëve në luftë ndaj koronavirusit.
Në foto duken fytyrat e lodhura nga puna dhe sforcimi i tejskajshëm i tyre në përballimin e situatës së koronavirusit dhe të sëmurëve nga ky virus.
Shumica prej tyre mezi qëndronin në këmbë, shpesh flinin në pushimin mes ndërrimeve, madje kanë fjetur edhe nëpër karrige e dyshemetë e korridoreve të spitaleve.
Ata kanë pasur veshjen e tyre speciale, shoqëruar me maskat mbrojtëse, të cilat ishin shumë të ngushta me qëllim që të pengojnë infektimin.
Mjekët kanë pësuar edhe fraktura në fytyrë nga maskat e shtrënguara fort, të cilat nuk i kanë hequr për më shumë se tetë orë.
Veshjen speciale e kanë mbajtur nën trup për më shumë se 12 orë në ditë, dhe pasi i hiqnin kanë parë edhe gërvishtjet, mavijosje dhe fraktura në fytyrë.
Kina duket se tashmë do t’i kthehet normalitetit pas koronavirusit të tmerrshëm, vatra e të cilit tashmë ka kaluar në Evropë, ku është goditur edhe Shqipëria me 51 të prekur deri më tani dhe 1 e moshuar ka humbur jetën.
