Një studim i botuar në “New England Journal of Medicine” arriti në përfundimin se koronavirusi i ri është i aftë të mbijetojë në sipërfaqet e çelikut, plastikës dhe kartonit për 72 orë.
Kjo nënkupton se edhe pas 3 ditësh pasi ka rënë koronavirusi në ato sipërfaqe në mund të infektohemi. Studiuesit nga Universiteti i Kalifornisë Los Angeles (UCLA), Universiteti Princeton dhe Institutet Kombëtare të Shëndetit Publik (NIH) panë që virusi kishte aftësinë të mbetej në qarkullim deri në tre orë në ajër pasi teshtitjes.
Pas deklaratave të studiuesve pyetja që na vjen të gjithëve në mëndje është se a mund të merret coronavirusi nga prekja e ushqimeve në supermarket?
Kësaj pyetje i jep përgjigje një profesor nga Barcelona që është dhe drejtues i Njësisë së Lartë të Kontrollit Biologjik të IRTA-CReSA.
Profesori sqaron se, ”përkundër frikës dhe situatës së alarmit kolektiv , duhet të jemi të qartë se koronavirusi nuk është kudo, duke pritur që të na infektojë. Prandaj, përballë çdo frike se ai po na sulmon, gjëja e parë për të cilën duhet të mendojmë është si ta parandalojmë. Duhe të jemi të kujdesshëm e të respektojmë udhëzimet e OBSh-së dhe jo të kemi frikë.
Por, gjithsesi profesori këshillon të dezinfektoni produktet për të cilat ju dyshoni se mund te jenë të infektuara. Burimi: lavanguardia, Përshtati: Fjala.al
