Ndonëse ndodhemi në ditën e tetë të karantinimit kjo është hera e parë gjatë kësaj kohe që rrugët e Tiranës janë tërësisht të boshatisura.
Megjithëse qeveria kishte marrë masa të përshkallëzuara për kufizimin dhe grumbullimin e njerëzve në ambiente publike, ato përsëri shkeleshin. Por ditën e sotme qeveria vendosi që policisë ti bashkohej dhe ushtria për monitorimin e lagjeve të qytetit të Tiranës, ku është regjistruar dhe pjesa më e madhe e të prekurve.
Siç duket dhe nga fotot e siguruara nga ‘Fjala.al’, qytetarët janë ndërgjegjësuar pas kësaj ‘mase ekstreme’. Në foto galerinë e mëposhtme duket qartë se në rrugë të ndryshme të Tiranës nuk sheh ‘këmb njeriu’ në rrugë.
Ditën e sotme në Shqipëri janë konfirmuar 6 raste të reja në 24 orët e fundit, duke e çuar numrin e përgjithshëm të të prekurve në vend në 70./Fjala.al
