Kryegjyshi i Bektashinjëve, Baba Mondi ka uruar të gjithë besimtarët për festën e Sulltan Novruzit por dha një mesazh dhe për politikanët e vendit. Situata në Shqipëri dhe në të gjithë botën është e vështirë për shkak të koronavirusit dhe besimtarët nuk mund të kryjnë festimet si çdo vit të bashkuar.
Baba Mondi ndërsa uroi besimtarët dha gjithashtu një mesazh dhe për politikanët. Ai tha se politikanët janë njerëz të zakonshëm dhe se do të ndëshkohen sa herë që mendojnë për pasuritë e tyre duke lënë pas nevojat e të tjerëve.
“Hapni sytë se kjo botë është gënjeshtër. Për herë të parë pas vitesh nuk jemi bashkë. Po në komunizëm nuk ishte e njëjta gjë? Jo! Nuk ka vend për ligështi, ne do të festojmë. Edhe të ndarë fizikisht do të jemi të bashkuar shpirtërisht sot e mot. Do lutemi që Shqipëria jonë e vogël që ta kalojmë sa më lehtë. Lutemi që politikanët se janë njerëz të zakonshëm dhe do të marrin ndëshkim saherë që mendojnë për pasurinë e tyre duke lënë pas nevojat tona. Kemi një vend të bekuar që na e ka falur zoti. Motra dhe vëllezër, të festojmë. Sulltan Novruzi të na largojë këtë të keqe dhe të na fali paqe. Zoti iu bekohtë! Amin!”-tha Baba Mondi./Fjala.al
