Këtë të shtunë të gjithë besimtarët bektashi festojnë Sulltan Novruzin. Presidenti Ilir Meta dhe kryetari i opozitës kanë uruar besimtarët bektashi me rastin e festës së Sulltan Nevruzit.
Presidenti Meta duke e cilësuar një situatë të vështirë atë që po kalon vendi për shkak të koronavirusit, thotë se këto momente “të kthehen në lutje drejt Zotit për shëndetin e çdo anëtari të familjes tuaj dhe të gjithë shqiptarëve!”.
Postimi i Presidentit Meta:
Gëzuar Festën e Sulltan Nevruzit dhe Pranverë në zemrën e çdo shqiptari dhe besimtari bektashian! Festimet Tuaja në këto momente të vështira, por në një ditë që përkon me lindjen e Imam Aliut dhe që simbolizon lindjen e shpresës e rigjallërimit të natyrës, le të kthehen në lutje drejt Zotit për shëndetin e çdo anëtari të familjes tuaj dhe të gjithë shqiptarëve!
Kryetari i opozitës gjithashtu përmes një postimi në rrjete sociale, uroi të gjithë besimtarët bektashi dhe të gjithë shqiptarët festën e Sulltan Novruzit duke e cilësuar këtë ditë si hyjnore të shpresës dhe të dritës. Ai shprehet se shqiptarët me besimin në Zot do tja dalin ta kalojnë dhe këtë sfidë.
Postimi i Lulëzim Bashës:
Ju uroj nga zemra të gjithë besimtarëve bektashinj dhe të gjithë shqiptarëve, Gëzuar Sulltan Nevruzin, këtë ditë hyjnore të shpresës dhe të dritës!
Me forcën që na ka bërë të pamposhtur në historinë tonë dhe besimin në Zot, do ta kalojmë këtë sfidë! Dielli i shpresës dhe mirësisë shndritë të sotmen dhe të nesërmen e çdo familje shqiptare!
Zoti e bekoftë Shqipërinë dhe shqiptarët!
Fjala.al
