Mjeku i Shërbimit Infektiv prof. Tritan Kalo është një prej specialistëve që po lufton çdo ditë me koronavirusin në Shqipëri. Ai nuk ka rreshtur së dhëni këshilla për qytetarët, duke u kërkuar vazhdimisht që të shmangin daljet nga shtëpitë, për të shmangur një tragjedi si ajo e Italisë.
Profesor Kalo kërkon ashpërsim të mëtejshëm të masave të marra dhe kërkon që Shqipëria të ndjekë shembullin e Kinës dhe jo të Italisë me Spanjën.
“Jam shumë dakort për masat e marra për distancimin social, është mirë që janë përforcuar, në mendimin tim mund edhe të pērforcohen më tepër. Sepse është e vetmja mundësi që u tregua efikase në eksperiencën kineze në ngadalësimin e sëmundjes dhe mbi të gjitha për ta shuar atë gradualisht. Nëse do të tregoheshim liberal, siç u treguan fqinjët tanë në Itali, me tej britanikët e spanjollët, kjo do të bëntë të shfaqeshin në vendin tonë skenarë të ngjashëm me to”, shprehet mjeku.
Ndërkohë, 13 raste të reja u konfirmuan sot në Shqipëri të infektimit me COVID-19, duke e çuar numrin total në 89.
-Dy vatrat e koronavirusit në Evropë, ja sa ka arritur numri i viktimave
