Kryeministri britanik , Boris Johnson synn të lërë karantinimin të premten dhe pse deputetja e Partisë së Punës, Rosena Allin-Khan, i kërkoi që të qëndrojë edhe për shtatë ditë të tjera.
Sipas mediave të huaja, kryeministri Johnson mësohet se është izoluar në Downing Street në Britani menjëherë pasi rezultoi pozitiv me Covid-19.
Megjithatë një zëdhënës ka deklaruar se simptomat e kryeministrit britanik mbeten të buta.
Deputetja Allin-Khan ka thënë se Johnson duhet të dyfishojë izolimin e tij në 14 ditë, në përputhje me udhëzimet e Organizatës Botërore të Shëndetit, dhe që të ndryshojnë rregullat aktuale në Mbretërinë e Bashkuar.
Sipas këtyre udhëzimeve, individët duhet të izolohen për shtatë ditë, ndërsa familjet e tëra duhet ta bëjnë këtë për 14 ditë.
