Pas Italisë dhe Spanjës që kanë regjistruar më shumë vdekje nga COVID-19 sesa Kina, shtet ku koronavirusi u përhap fillimisht, një tjetër shtet i fuqishëm i Bashkimit Evropian është në situatë kritike. Bëhet fjalë për Francës ku numri i vdekjeve ka arritur në 3024, ndërkohë që në Kinë numri i vdekjeve ka ndaluar në 3,309.
45,171 numri i personave të infektuar me koronavirus në Francë, duke u renditur shteti i gjashtë më i goditur në botë pas Gjermanisë, Kinës, Spanjës, Italisë dhe SHBA-së. Por edhe pse me numër më të ulët infektimesh, Franca ka më shumë vdekje se Gjermania, e cila regjistron vetëm 682.
Autoritetet franceze kanë marrë masa të ashpra kufizuese për lëvizjen e qytetarëve të paktën deri më 15 prill.
