Dashuria duket se është në të vërtetë e vetmja vaksinë kundrejt frikës që po ushqehet dita ditës nga shpërthimi i pandemisë Covid-19.
Domenico de Padova dhe Silvia Rosati, përkatësisht 31 vjeç dhe 33 vjeç, janë infermierë dhe ushtrojnë profesionin e tyre në repartin e dializës në spitalin Lorenzo Bonomo në Andria, Puglia (Itali).
Të lidhur prej dhjetë vitesh, ata mund të ishin martuar në këtë periudhë. Por, çifti u detyrua ta shtyjë dasmën për të qenë aktivë në vijën e parë të luftës kundër virusit Covid-19.
“Në jetë kam qenë gjithmonë mbi re”-shkruan de Padova në Facebook, krahas fotos së publikuar, ku shihet duke puthur partneren e tij, teksa të dy mbajnë në trup veshje mbrojtëse. “Më pëlqen të guxoj dhe në këtë periudhë kur ne jemi të detyruar të qendrojmë larg, jemi pranë njëri-tjetrit. Sepse çdo sfidë nëse ndahet në dy, është më e lehtë”– përfundon ai.
Risjellim në vëmendje se në Itali vazhdon të jetë i madh numri i të vdekurve nga koronavirusi. Të martën u raportua nga mediat vendase për 837 viktima brenda 24 orëve, ndërkohë që janë regjistruar 4.023 raste të reja.
Fjala.al
