Mësuesi 51-vjeçar i shkollës private “Omiros” në Korçë, i cili kishte rezultuar me koronavirus pak javë më parë ka ndërruar jetë në Kostur të Greqisë ku po merrte mjekimin e nevojshëm për Covid-19.
Ai ishte 51 vjeç dhe baba i 4 fëmijëve. Rasti i mësuesit u bë publik më datë 17 mars, pas një letre që drejtuesit e shkollës jopublike “Omiros”, iu dërguan prindërve të nxënësve që vijonin procesin mësimor në këtë shkollë, duke i njoftuar se një pjesëtar i stafit ishte konfirmuar me koronavirus.
Sipas letrës thuhej se prindërit duhet të bënin kujdes me fëmijët, pasi ekzistonte mundësia që edhe ata të ishin infektuar, pasi më 14 mars, mësuesi kishte qenë në shkollë dhe kishte pasur kontakte me nxënësit.
