A duhet të mbajmë maskë për tu mbrojtur nga koronavirusi? ISHP i është përgjigjur kësaj pyetje me një njoftim të Organizatës Botërore të Shëndetit, e cila thotë se dhe në rastet kur maska duhet të mbahet, duhet të shoqërohet me masat të tjera të higjenës.
Organizata Botërore e Shëndetit rekomandon që të mbahet maskë vetëm në rastet kur dyshoni se jeni të prekur nga koronavirusi i ri, Covid-19, pra në rastet kur keni simptomat e tilla si kollë, tështima dhe në rastet kur jeni duke u kujdesur për një person të dyshuar me koronavirus.
Përdorimi i maskës ndihmon për të kufizuar përhapjen e spërklave, por bashkë me të duhet të ndiqen edhe masat e tjera të higjenës respiratore dhe të duarve.
“Organizata Botërore e Shëndetësisë rekomandon të mbani një maskë vetëm nëse dyshoni se mund të jeni infektuar me Koronavirusin e ri dhe keni simptomave të tilla si kollë, teshtitje ose nëse jeni duke u kujdesur për një person të dyshuar për infeksion me Koronavirusin e ri (udhëtimi i fundit në Kinë dhe simptomat e frymëmarrjes). Përdorimi i maskës ndihmon për të kufizuar përhapjen e sperklave dhe nepermjet tyre te virusit, por duhet të ndiqet edhe me masat e tjera të higjienës respiratore dhe të duarve. Nuk është e nevojshme të mbani disa maska njëra mbi tjetrën (të mbivendosura)”, sqaron ISHP.
