Shkenctarët në të gjithë botën janë duke u mundar për të gjetur një mënyrë për të ndaluar koronavirusin dhe janë duke studiuar shanset e pakësimit të tij gjatë verës.
The Guardian raporton se ekspertët janë dyshues dhe në pikëpyetje nëse rritja e temperaturave apo vera do ndikojë në ngadalësimin e përhapjes së koronavirusit.
Ndërsa, në Britani apo Europë pritet të shënohen temperatura mbi 20 gradë Celsius së shpejti, shkencëtarët do të monitorojnë se si reagon ky virus në këto kushte të reja.
Pikëpyetja kryesore është se, ndërsa epidemitë e gripit zhduken kur dimri përfundon, a do të ndodhë e njëjta gjë me koronavirusin?
Një studim i bërë për koronaviruset, pjesë e familjes së Covid-19 dhe që u publikua dhe javën e kaluar nga “The Guardian” tregonte pikërisht se këto lloj virusesh në shkurt kanë patur një numër shumë të lartë infektimi kurse në verë shumë ulët./
