Danimarka sot ka rihapur çerdhet , kopshtet dhe shkollat fillore. Vendimi vjen pas një muaji mbyllje.
Mediat daneze raportojnë së shkollave iu është kërkuar të respektojnë rregulla të caktuara, përfshirë atë të mbajtjes së distancave ndërmjet fëmijëve.
Rihapja e shkollave është hapi i parë i qeverisë daneze që veproi shpejt përballë përhapjes së pandemisë, duke mbyllur kufijtë që më 14 mars, pasi kishte regjistruar rastet e para të infeksionit dhe vdekjeve. Mbyllja për restorantet, kafenetë, baret dhe vende të tjera të takimeve publike do të mbetet në fuqi të paktën 10 maj.
Deri tani në Danimarkë janë shënuar 300 viktima dhe mbi 6700 të infektuar nga koronavirusi. Fjala.al
