Bill Gates mesa duket e ka parashikuar një pandemi të tillë si kjo e koronavirusit. Por përveç parashikimit ai ka ndërmarrë edhe veprime konkrete.
Detajet i ka zbuluar vetë gruaja e mandatit të Microsoft, Melinda Gates. Ajo ka shpjeguar në një intervistë për BBC Radio Live, se familja Gates ka qenë në pritje të një pandemie të tillë prej disa vitesh.
Sipas Melinda Gates ishte diskutuar në familje se çfarë do të ndodhte në rast të një pandemie dhe a do të kishte mjaftueshëm ujë dhe ushqime.
“Disa vite më parë, ne diskutuam për disa çështje. Po sikur të mos ketë ujë të pastër? Po nëse nuk do të ketë mjaftueshëm ushqim? Ku mund të shkojmë? Çfarë mund të bëjmë si familje? Mendoj se ne duhet t’i bëjmë vetë këto përgatitje. Ne kishim përgatitur dhe kishim ushqime në bodrum në rast se na nevojiteshin dhe tani jemi të gjithë në të njëjtën situatë”, tha Melisa Gates, shkruan Business Insider.
Duhet thënë se që prej vitit 2010, Bill Gates ka paralajmëruar për një pandemi të tillë si kjo që po kalon bota aktualisht, e cila u gjet e papërgatitur, por jo vetë Bill Gates.
Gates ka qenë i angazhuar së fundmi në luftën ndaj koronavirusit përmes fondacionit të tij së bashku me bashkëshorten, madje dhuroi për OBSH-në një shumë të konsiderueshme parash pas anulimit të fondeve nga ana e presidentit Donald Trump, një veprim të cilin Gates e cilësoi si të rrezikshëm./Fjala.al/
