Kryetari i opozitës, Lulëzim Basha ka zhvilluar këtë të shtunë një takim online me strukturat e Partisë Demokratike. Pas disa orëve komunikim me strukturat e partisë Basha ka folur rreth detajeve të mbledhjes.
Përmes një postimi në rrjetin social Facebook, Basha ka bërë të ditur se ka folur me strukturat e partisë rreth situatës së rëndë që po kalon vendi. Sipas tij shumë prej qytetarëve nuk kanë marrë ende një mbështetje nga qeveria, ndaj PD do i jap zë problemeve të tyre.
Më tej Basha i bën thirrje qeverisë se duhet të shpërndajë fondet e mbijetesës dhe të përfshijë tëgjitha familjet dhe njërzit në nevojë, të mbështes sipërmarrësit, biznesin e vogël, fermerët, fasonët, bizneset prodhuese dhe turizimin, pa
“Sot bisedova përmes disa videokonferencave me drejtuesit dhe përfaqësuesit e Partisë Demokratike në të gjithë Shqipërinë, lidhur me situatën e rëndë që po kalon vendi. E përbashkëta kudo është që qytetarët janë në vështirësi për të siguruar jetesën e përditshme. Shteti ka lënë në harresë mijëra familje në nevojë dhe biznese. Shumica nuk kanë marrë akoma asnjë ndihmë apo mbështetje nga qeveria, ndërkohë që ju duhet të paguajnë edhe faturat e rritura të dritave dhe ujit. Ne do vazhdojmë të jemi në kontakt me njerëzit per t’ju dhënë zë problemeve dhe halleve të tyre në këto ditë të vështira. Pa asnjë vonesë, qeveria duhet të shpërndajë fondet e mbijetesës dhe të përfshijë menjëherë të gjithë familjet dhe njerëzit në nevojë. Të mbështesë sipërmarrjen në vështirësi mbijetese, biznesin e vogël, fermerët, fasonët, bizneset prodhuese dhe turizimin, pa përjashtuar askënd.Shqiptarët që kanë paguar këto 7 vjet taksat ndër më të lartat në rajon, kanë sot nevojë për ndihmën që ju takon nga shteti. Qeveria nuk mund t’i fshihet përgjegjësisë.,”-shkruan Basha.
