Ministria e Shëndetësisë, Ogerta Manastirliu në një lidhje të drejtëpërdrejtë në “Facebook” ka bërë me dije strategjinë e rihapjes e cila parashikon se më datën 18 do të rihapen baret dhe restorantet për ambientet e hapura, por gjithmonë kjo varet nga situata e koronavirusit në vend.
“Në vijim të draft-planit, dhe e përsëris draft-plan pasi do të vlerësohet situata në dinamikë, nëse të dhënat do të jenë të qëndrueshme, bazuar në kriteret e përcaktuara nga ekspertët, nga 18 Maji e në vijim, sipas disa hapave të mëtejshëm, do të vlerësojmë dhe hapjen e njësive të shërbimit, bare e restorante, vetëm për mjediset e hapura sipas protokolleve të ruajtjes së distancës dhe kushteve higjeno-sanitare”, tha Manastirliu.
Ministria përsëriti se ky është një plan në tentativë, i cili do tu shërbejë bareve dhe restoranteve për tu përgatitur për një organizim të kushteve të reja.
