Australia e Jugut është vendi më i sigurt në botë sa i takon virusit të ri korona. Edhe atje më herët ishin në fuqi masat kufizuese por pasi në këtë zonë nuk u shfaq asnjë rast, banorët janë qetësuar ndërsa çdokush shpreh zili për vendin e tyre, atje ku jetohet buzë detit pa frikën e Covidit.
Në mbarë Australinë, në 24 orët e fundit, u regjistruan 16 raste të reja, në rënie të ndjeshme nga 28 marsi, kur brenda një dite u shënuan 460 raste të infektuarish. Kryeministri Scott Morrison tha se kabineti qeveritar do të mblidhet më 8 maj, për të vendosur për masat e reja lehtësuese që do të hyjnë në fuqi më 11 maj, transmeton CNN.
Për më shumë se një javë, shteti jugor i Australisë me popullsinë 1.6 milionë banorë, nuk ka shënuar asnjë rast të ri.
Përgjatë dy muajve të pandemisë, në këtë shtet u shënuan vetëm 4 viktima. Tashmë qytetarët atje janë gati për t’ju rikthyer normalitetit ndërsa po bëhen gati për këtë sezon veror./Përshtati nga CNN, Fjala.al/
