Miliona fëmijë janë në rrezik serioz për jetën e tyre për shkak se nuk kanë mundësi të bëj as vaksinat më elementare, ka paralajmëruar OKB.
Shpërthimi pandemisë koronavirus ka shkaktuar një impakt të jashtëzakonshëm në industrinë e prodhimit të vaksinave, pasi janë reduktuar në pothuajse zero, fluturimet tregtare dhe ato charter. Dhjetëra vende janë në rrezik të vërtet pasi po u mbarohen edhe vaksinat e domosdoshme për shëndetin dhe jetën, tha shefi i UNICEF.
Ai kërkon që qeveritë dhe sektori privat të ndërhyjnë për të lejuar një hapësirë, që së paku fëmijëve të mos u pamundësohet vaksina që i siguron shëndetin. Programet e imunitetit janë ndër aktivitetet kyce të UNICEF. Organizata vlerëson se vaksinat kundër sëmundjeve serioze si malaria, poliomeliti dhe tetanozi mund të shpëtojnë cdo vit deri në 3 milionë fëmijë.
Me ekipet mjekësore tashmë të përqëndruara në gjetjen e një vaksine kundër koronavirusit, UNICEF thotë se janë në rrezik miliona fëmijë, kryesisht në vendet në nevojë.
“UNICEF po përpiqet që të sigurojë një zhbllokim të dërgesës së vaksinave, për shkak të masave kufizuese nga pandemia por për disa vende specifike duhet të ketë lëshime” bëri të ditur zëdhënësi i UNICEF, Marixie Mercado.
Edhe përpara koronavirusit, UNICEF vlerësoi se më shumë se 20 milionë fëmijë në vit vuajnë mungesën e vaksinave kyce për jetën dhe shëndetin e tyre.
