Faza e dytë për Juventusin në një periudhë thuajse apokaliptike për futbollin, nisi me infermierinë e klubit.
Kampionët e Italisë, në vend të fushës, këtë radhë fokusin e kishin në “J Medical” në Torino, aty ku u zhvilluan teste mjekësore për ata futbollistë që nuk janë larguar nga Italia.
Të parët Federico Bernardeschi, Juan Cuadrado, Carlo Pinsoglio, Leonardo Bonuçi dhe Aaron Ramsey, hynë me radhë, duke veshur maska dhe duke respektuar distancën e sigurisë sipas protokolleve të imponuar nga Emergjenca Civile në Itali.
Lojtarët që janë larguar më herët jashtë vendit pritet gjithashtu gjatë ditëve në vazhdim të kthehen e ti nënshtrohen protokollit mjekësor për të zbuluar ndonjë infektim të mundshëm. Ata do të vuajnë dhe izolimin e detyruar sipas ligjit për 14 ditë.
Miralem Pjaniç, i cili ishte kthyer në Torino më 19 prill është mes atyre që janë rehabilituar të parët.
Kështu në shtëpinë e Juventusit, ajri i dhomës së dollapëve filloi të ndryshojë…. edhe pse shumica e ekipit nuk ishte i pranishëm.
Për “Zonjën e Vjetër”, ky është një hap i parë drejt normalitetit, në pritje të komunikimeve të mëtejshme.
Megjithatë, nga kjo mesjavë, qendra stërvitore e bardhezinjve do ti rikthehet ritmit dhe zhurmës së “topave” pas një ndalese dy mujore.
Lojtarët do të jenë në gjendje të stërviten individualisht në prani të një mjeku dhe një stafi.
