Piers Corbyn, vëllai i politikanit anglez, Jeremy Corbyn thekson se bota nuk po përjeton një pandemi globale siç është koronavirusi. Por gjithçka sipas tij, po stiset për t’iu vendosur njerëzve mikroçip në trupin e tyre.
Ai ka protestuar vazhdimisht deri më tani duke kërkuar që t’i jepet fund izolimit total. Corbyn shprehet i bindur në teoritë e ndryshme konspirative se koronavirusi është vetëm një instrument që po përdoret për t’iu vendosur njerëzve në mbarë botën mikroçip në trupin e tyre.
Corbyn ka drejtuar protestën e tretë së bashku me disa të tjerë, ku policia ka ndaluar 2 prej tyre, ndërsa vetë vëllai i politikanit anglez nuk dihet nëse është arrestuar apo jo, shkruan The Sun.
Sipas tij, izolimi nëpër shtëpi dhe distancimi fizik që iu bëhet njerëzve shërben vetëm për t’i identifikuar ata në mënyrë që 5G dhe satelitët t’i identifikojnë ata me lehtësi.
Corbyn shton se vaksina që po kërkohet ndaj koronavirusit nuk është për të shpëtuar njerëzit, por për t’iu vendosur njerëzve mikroçip në trup dhe për t’i kontrolluar ata.
