Ilir Meta thotë se protagonizimi i tij i lartë në jetën politike nuk vjen si rrjedhorë e ndonjë dëshire për t’u konsideruar poli i tretë apo thënë ndryshe “këmba e tretë e perustisë”, por për shkak se në Shqipëri kanë humbur ekuilibrat e shtetit demokratik.
Në intervistën për emisionin “Hard Talk” në Fjala.al, Meta tha: “Jo absolutisht, unë në këtë pozicion që kam synoj të bëj vetëm detyrën time si president i vendit, si kryetar i shtetit, ku kanë humbur të gjithë ekuilibrat që janë në një shtet normal demokratik në kuptimin e funksionimit të institucioneve sepse nuk ka nevojë të them që Kuvendi i sotëm ka probleme dhe në vet raport me Kushtetutën. Përveç asaj çështjes së përmbajtjes që opozita reale apo opozita kryesore nuk është në institucione, por detyra ime është të bëj gjithçka që të mos provokohem nga askush dhe të qëndroj gjithmonë në mbrojtje të Kushtetutës deri kur të vendoset normaliteti i plotë kushtetues ligjor në vend që, sipas vlerësimit tim kjo mund të ndodhi vetëm pas zgjedhjeve të ardhshme të përgjithshme. Pra që të kemi një Parlament plotësisht legjitim dhe të plotë.”
-Bojkoti i opozitës i gabuar, Meta: Më mirë të jesh pjesë e ngjarjeve sesa të dalësh jashtë tyre
