Ministrja e Shëndetësisë, Ogerta Manastirliu deklaroi se sot do të nis plani i hapjes së sistemit shëndetësor do të jetë me faza dhe do të fillojë me vizitat parësore dhe spcializuara, ndërsa për ndërhyrjen kirurgjikale dhe konsultat do të jetë në një fazë të mëtejshme në mënyrë që të shmanget sa më shumë kontakti në institucionet shëndetësore.
“Asnjëherë sistemi shëndetësor nuk ka qenë i mbyllur, përkundrazi, për të gjitha urgjencat dhe nozologjitë që kanë kërkuar trajtim, sistemi shëndetësor është përgjigjur në kohë dhe me cilësi për qytetarët. Sistemi shëndetësor do të hapet me faza dhe do të fillohet me planin e hapjes së vizitave në kujdesin parësor dhe specialistik, ndërsa për konsultat apo ndërhyrjet kirurgjikale do të jetë një fazë e mëtejshme”, tha Manastirliu.
Sipas ministres, fillimisht do të vlerësohet pas datës 11 Maj, e më pas me hapa të mëtejshëm. Vlerësimi i stuatës do të bëhet nga Komiteti Teknik i Ekspertëve.
“Hapja e sistemit shëndetësor do të jetë me faza. Duke filluar nga kjo javë e në vazhdim do të hapen fashat orare të vizitave në qendra shëndetësore dhe poliklinika, në parametra dhe protokolle sigurie për respektimin e distancimit fizik, për të mbrojtur shëndetin e qytetarëve dhe personelit shëndetësor nga përhapja e COVID19”, tha Manastirliu.
