Ministrja e Kulturës në Rusi, Olga Lyubimova është konfirmuar pozitive me koronavirus, duke e rritur kështu numrin e personave të qeverisë së këtij vendi që janë prekur nga sëmundja vdekjeprurëse.
Lajmi u bë publik nga mediat ruse, pasi vetë Ministrja ka bërë publike gjendjen e saj shëndetësore përmes zëdhënëses së vet. Olga Lyubimova është bërë anëtari i tretë i kabinetit qeverisës në Rusi që infektohet me Covid-19, pas kryeministrit Mikhail Mishustin dhe ministrit të Ndërtimit, Vladimir Yakushev.
Aktualisht ajo ka simptoma të lehta dhe ka javë që punon nga shtëpia. Ministrja e Kulturës së Rusisë është 39 vjeçe dhe mori detyrën në janar. Ndërsa nga tre anëtarët e qeverisë në spital aktualisht është shtruar vetëm kryeministri Mishustin./Fjala.al/
