Bashkia e Tiranës ka bërë me dije se ditën e hënë, 18 maj, Këshilli Bashkiak do të zhvillojë një mbledhje të posaçme për çështjen e Teatrit Kombëtar.
Me anë të një njoftimi për mediat, Bashkia thekson se mbledhja do të mbahet në orën 11:00 dhe se do të diskutohet projekti për ndërtimin e godinës së re të Teatrit Kombëtar.
Me Vendim të Këshillit të Ministrave, kompleksi i godinave të Teatrit Kombëtar i kaluan në pronësi Bashkisë së Tiranës.
Ndërkohë, ditën e sotme, Presidenti Ilir Meta u shpreh se i takon vetëm Gjykatës Kushtetuese të vendosë për prishjen apo jo të tyre, duke bërë thirrje që godinat të mos cënohen, pasi në të kundërt do të kishte pasoja të parikuperueshme.
Rikujtomë se gjatë ditës së djeshme ka pasur edhe një përplasje midis artistëve e Aleancës për Mbrojtjen e Teatrit me Policinë Bashkiake, pasi këta të fundit shkuan në ambientet e Tetarit për të zbatuar urdhrin e shembjes së godinës./Fjala.al/
