Pas shembjes së godinës së Teatrit Kombëtar kanë reaguar disa ambasada të huaja në vendin tonë. Një prej tyre ishte e ambasadorit gjerman. Por në fakt kjo mund të quhet sporadike sepse disa ambasada të tjera ende nuk janë shprehur. Një prej tyre është ambasada amerikane. I pyetur për këtë çështje në emsionin HARD TALK NGA ROLAND QAFOKU, nënëkryetari i PD Edmond Spaho tha se së pari përshëndet deklaratën e ambasadorit gjerman por edhe të tjerë.
-Zoti Spaho, do doja të dija mendimin tuaj përqëndrimin që ka mbajtur faktori ndërkombëtar , diplomatët e huaj, ambasadorët, lidhur me prishjen e godinës së Teatrit Kombëtar.
Ne nuk komentojmë veprimet e ndërkombëtarëve në Tiranë, komentet që kanë bërë deri më sot kanë qenë në favor të kauzës së Teatrit.
Cila ka qenë më e forta, më e qarta?
Janë shprehur qartë që është prishur pa një akt, pa një vendim përfundimtar.
Kush?
Ambasadori gjerman, Bashkimi Europian u shpreh edhe përfaqësues të tjerë janë shprehur.
Po Ambasada Amerikane, keni pritur që të mbajë një qëndrim?
-Është në të drejtën e tyre të shprehen, nëse kanë dëshirë të shprehen. Së dyti kanë theksuar kohën, në të cilën u ndërmorën këto akte. Në kohë pandemie. Në asnjë vend nuk ndodh që të shfrytëzosh pandeminë për interesa okulte. Edi Rama e bën. Së treti dua t’iu them që nuk ka pse t’i zgjidhim problemet tona duke iu bërë thirrje ndërkombëtarëve. Një qeveri e civilizuar i merr vetë në dorë fatet e veta.
