Janë 9 persona që janë proceduar penalisht për pjesëmarrjen në protestën e djeshme kundër shembjes së godinës së Teatrit Kombëtar. Mes të proceduarve janë edhe drejtuesit e opozitës, Lulzim Basha dhe Monika Kryemadhi.
Ata akuzohen se “kanë protestuar në mënyrë të paligjshme, pa lejen e organeve kompetetente, duke prishur rendin dhe qetësinë publike, aq më tepër në situatë të jashtëzakonshme në kohë pandemie, ku ndalohen me ligj grumbullimet apo tubimet”.
Kryetari i Partisë Republikane, Fatmir Mediu, dhe Sekretari për Çështjet Ligjore në PD, Çlirim Gjata, janë proceduar gjithashtu.
Më herët u raportua edhe për procedimin e aktivistëve: Robert Budina, Neritan Licaj, Adriana Kalaja dhe Artan Manushaqe.
Njoftimi i policisë
Organizuan protestë të paligjshme, procedohen penalisht 9 persona.
Specialistët për Hetimin e Krimit në Komisariatin e Policisë Nr. 1, në përfundim të veprimeve të kryera në lidhje me protestën e paligjshme të zhvilluar në Bulevardin e Kombit, proceduan penalisht në gjendje të lirë 9 shtetas.
Procedimi ndaj tyre nisi pasi, më datë 18 maj 2020, rreth orës 16:30, kanë protestuar në mënyrë të paligjshme, pa lejen e organeve kompetetente, duke prishur rendin dhe qetësinë publike, aq më tepër në situatë të jashtëzakonshme në kohë pandemie, ku ndalohen me ligj grumbullimet apo tubimet.
Shërbimet e Policisë kanë proceduar penalisht, për veprën penale “Organizimi dhe pjesëmarrja në grumbullime e manifestime të paligjshme”, shtetasit:
- B., N. L., A. K., A. M., L. B., M. K., Ç. Gj., F. M. dhe A. L.
Materialet i kaluan Prokurorisë së Rrethit Gjyqësor Tiranë, për veprime të mëtejshme.