E bija e Artistit të Popullit Robert Ndrenika, Diana Ndrenika, ka reaguar për prishjen e godinës se Teatrit Kombëtar.
Mjaft e prerë në postimin e saj, kjo e fundit shkruan se një bandë e observuar pas truallit të qendrës së Tiranës vjedh e shkatërron pa asnjë princip.
Diana nënvizon faktin se më e dhimbshme për shkatërrimin e godinës është fakti se në diktaturën totalitare komuniste u jepej përparësi artit, teatrit e kinematografisë.
Postimi i plotë
“Ajo çka e bën më të dhimbshme shkatërrimin e TK është fakti se në diktaturën totalitare komuniste u jepej përparësi artit, teatrit, kinematografisë etj. Ishte pikërisht atëherë qe Teatri Kombëtar mori zhvillim duke arritur kulme cilësore.
Sot ne demokracinë e pretenduar (që aq shume kishim ëndërruar) ose diktaturën hibride ku po jetojmë merr përparësi biznesi i ndërtimit që në mënyrë makuteske (ëith unlimitedet greed) drejton qytetin e vendin në mënyrë të drejtpërdrejte.
Oligarki financiare pa përfaqësim. Një bande qe e observuar pas truallit të qendrës se Tiranës vjedh e shkatërron pa asnjë princip” shkruan ajo.
Vetë Robert Ndrenika fillimisht ishte kundër shembjes së Teatrit por pas diskutimeve dhe negociatave me Bashkinë pranoi domosdoshmërinë e ndërtimit të një godine të re.
