Tre vëllezër në Bolivi u shtruan në spital pasi lejuan një merimangë të zezë ta kafshojë atë, pasi menduan se do të ktheheshin në ‘Spider-Man’.
Djemtë të moshës, 8, 10 dhe 12-vjeç, janë barinj të dhive në qytetin Chayanta në rajonin e Andeve të Potos.
Djemtë duke shpresuar se do të shndërroheshin në heroin e tyre të librave komik, e afruan merimangën e zezë te secili me shkop derisa ajo i kafshoi ata, tha shefi i epidemiologjisë në Ministrinë e Shëndetit në Bolivi.
Djemtë filluan të kishin simptoma për pak minuta dhe nëna e tyre e shqetësuar nxitoi menjëherë për në urgjencë pasi shëndeti i tyre u përkeqësua, shkruan Daily Mail.
Të nesërmen ata u transferuan në Spitalin e Fëmijëve në La Paz, pasi kishin shfaqur simptoma si: ethe, dridhje, djersitje dhe dhimbje muskulore.
Aktualisht djemtë janë në gjendje të mirë shëndetësore pas një javë trajtimi. Doktori tha se ky rast duhet të shërbejë si paralajmërim për të gjithë fëmijët, pasi jo gjithçka që shihet në filma është reale./Fjala.al/R.G
