Karantina bëri që ekipi i Partizanit të rifitojë Esat Malën dhe të ketë mundësi për një kthim të fuqishëm në kampionat.
Ndërsa është duke u afruar merkato e verës, shqetësimi kryesor i të kuqve të kryeqytetit është lojtari nga Prizreni. Mala ka treguar një rendiment të jashtëzakonshëm, si në stërvitje ashtu dhe në miqësoren kundër Turbinës, që u luajt ditën e mërkurë.
Mesfushori ka shprehur prej kohësh dëshirë e tij për t’u larguar nga Tirana dhe kjo ishte arsyeja pse prej disa muajsh ai u la jashtë fushës si mënyrë dënimi. Esat Mala është duke parë të gjitha mundësitë që të shkojë në një kampionat të huaj dhe duket se kjo verë do të jetë vendimtare për lojtarin shtatshkurtër të kampionëve të Shqipërisë.
Ndaj tij kanë ardhur oferta nga Holanda, megjithatë ato duhet të aprovohen nga Presidenti i klubit Gaz Demi. Megjithatë mesfushori kërkon me patjetër të provojë një aventurë të re dhe këtë gjë do ta arrijë gjatë merakos së kësaj vere.k.t/Fjala.al/
