Një mënyrë takimi ndryshe nga ajo që jemi mësuar dhe praktikuar brez pas brezi ne shqiptarët. Tashmë nuk ka më përqafime dhe dhënie duarsh.
Presidenti Ilir Meta ka pritur paraditen e sotme në takim homologun e tij të Kosovës Hashim Thaçin, ku nga fotot e bëra publike nga vetë Meta bie në sy takimi i tyre me anë të bërrylit.
Gjatë kohës së pandemisë së koronavirusit në të cilën është përfshirë pothuajse e gjithë bota, të shumta kanë qenë “shpikjet” e njerëzve për takime mes tyre pa u përqafuar apo prekur me duar.
Siç duket në respektim të këtyre rregullave nuk kanë bërë përjashtim as dy kryeministrat Meta dhe Thaçi gjatë takimit të sotëm.
Ndër të tjera gjatë këtij takimi Kreu i shtetit ka nënvizuar se është me rëndësi vazhdimi i dialogut Kosovë-Serbi për normalizimin përfundimtar të marrëdhënieve mes këtyre dy shteteve, që do të garantojë jo vetëm njohje reciproke por edhe të ardhmen e tyre në BE.
Sipas tij, bashkëjetesa midis shqiptarëve e serbëve është në interes të paqes, stabilitetit dhe perspektivës europiane të rajonit tonë./B.L/Fjala.al
