Me plot 18 gola është mbyllur java e 28-ë e Kategorisë Superiore, ku kanë triumfuar bindshëm Tirana dhe Laçi.
Bardheblutë e kryeqytetit fituan ndaj ekipit të Luftëtarit me rezultatin e thellë 0-5 duke mbajtur të pacënueshëm kryesimin e kategorisë të elitës së futbollist shqiptar. Ndërsa gjirokastritet nga ana e tyre vijojnë zhytjen në rezultate duke humbur çdo javë e më shumë shanset për t’i shpëtuar rrëzimit.
Ndeshja Byli-Teuta nga ana tjetër është mbyllur me fitoren e ballshiotëve me shifrat minimale. Bylisi ka arritur që të shënojë në minutat shtesë dhe ia ka dalë që t’i marrë Teutës 3 pikëshin në momentet e fundit. Bylisi ka kaluar kështu në vend të 6-të, ndërsa Teuta vijon të renditet e 5-ta.
Ndërsa Skënderbeu ka vijuar edhe këtë javë triumfin, duke fituar 1-0 ndaj Flamurtarit, që tashmë e ka prerë biletën për në Kategorinë e parë. Ndërsa korçarët nga ana e tyre janë duke u rikthyer fuqishëm në garën drejt titullit.
Laçi nga ana tjetër ka marrë një fitore me 5 gola, ndërsa ka pësuar 2 nga Vllaznia. Laçianët aktualisht renditen të 4-t, ndërsa Vllaznia është ngritur me një pozicion duke u renditur të 7-t.
Ndeshja e fundit ajo midis Partizanit dhe Kukësit, ishte shkatërrues për kampionët aktual të Shqipërisë. Verilindorët kanë mundur që të fitojnë me rezultatin 1-3, duke mos iu ndarë Tiranës, ndërsa Partizani vijon të zhytet, duke rrezikuar madje edhe rrëzimin nga kategoria.k.t/Fjala.al/
