Presidenti Ilir Meta, ka publikuar një video nga bregdeti i Durrësit, ku shfaqet duke vrapuar, siç thekson vetë ai, “për fitoren e 10-të radhazi të kampionatit skocez nga Celtic”.
Përmes një postimi në ‘Twitter’, Meta iu uron një të diel të shkëlqyer të gjithë miqve keltë, ndërsa i fton të vizitojnë Shqipërinë për pushime verore.
Kjo video e Metës ka bërë jehonë në mediet skoceze, të cilat shkruajnë se “Presidenti i Shqipërisë stërvitet për fitoren e 10 radhazi të kampionatit skocez nga Celtic”.
Një ndër mediat më të rëndësishme skoceze “The Celtic Star” të fansave të Klubit të Futbollit Celtic FC, që ndiqet nga miliona lexues në mbarë botën, i ka kushtuar vëmendje të madhe postimit të veçantë të Presidentit Meta.
Today in Durrës, training for our 10th Premiership Champions in a row!
Flaming hugs for all my Celt friends and have a great Sunday!
You are welcomed to visit beautiful Albania?? for the summer holidays! I promise you won’t be disappointed!
Hail Hail! ??#CelticFC ? pic.twitter.com/9gdAs8Smmd— Ilir Meta (@ilirmetazyrtar) June 7, 2020
Ja çfarë shkruan “The Celtic Star”:
Presidenti i Shqipërisë, Ilir Meta, ka qenë një tifoz i madh i Celtic qysh kur Rudi Vata luajti për këtë klub. Ai ka përvetësuar vlerat dhe identitetin e ekipit dhe shikon çdo ndeshje me fanatizëm. Meta gjithashtu poston plot pasion për të gjitha gjërat e Celtic, teksa drejton vendin dhe zgjidh punët aktuale! Sot, në Durrës, Presidenti Meta vrapoi buzë detit në një fanellë keltike duke bërë një gjest me duar-dhjetë, duke nënkuptuar edhe fitoren e 10 radhazi të kampionatit nga Celtic FC.k.t/Fjala.al/
