Ministri i Jashtëm në detyrë, Gent Cakaj ka zhvilluar sot një bisedë telefonike me homologen e Spanjës, Arancha González Laya, me të cilën ka prekur disa tema, përfshirë hapjen e negociatave për anëtarësim në Bashkimin Evropian.
Cakaj thotë se Spanja mbështet hapjen e bisedimeve për Shqipërinë, ndërkohë që së shpejti do të mbyllen një varg marrëveshjes midis dy shteteve.
Reagimi i plotë
Sot zhvillova edhe një bisedë telefonike me Ministren e Punëve të Jashtme të Spanjës, znj. Arancha González Laya!
Biseduam gjerësisht për masat e marra në luftën kundër COVID-19 dhe për rimëkëmbjen e shpejtë ekonomike.
Po ashtu, folëm edhe për rëndësinë e përmbushjes së të gjitha detyrimeve para Konferencës së Parë Ndër-Qeveritare mes Shqipërisë dhe Bashkimit Evropian. Falënderues për mbështetjen e Spanjës për çeljen e bisedimeve me Shqipërinë për anëtarësim në BE!
U pajtuam që të shterojmë bisedat e nevojshme teknike, për të mbyllur një varg marrëveshjesh në shërbim të forcimit të bashkëpunimit dypalësh!
